Кој капацитет најмногу Ви се допаѓа

Developed in conjunction with Ext-Joom.com



logoscbt

Соопштенија

Бесплатна професионална обука за почетници повторно во СЦ Борис Трајковски

Во сабота 22.04.2017 со почеток од 10,00 часот Спортскиот центар Борис Трајковски, уште еднаш ќе ја покаже својата општествена одговорна страна, која годиниве наназат ја гради како институција. Главна причина за ова е најавениот отворен час по тенис познат како „Ајде да играме тенис“. Имено сите граѓани кои се вљубеници во тенисот или пак изразуваат желба да ги запознаат основите на тенисот како спорт, ќе имаат можност за бесплатна професионална обука која ќе се одржи на Вип тениските терени во склоп на СЦ Борис Трајковски.

Од Раководството на Спортскиот Центар „Борис Трајковски“, нагласуваат дека овој час ќе биде бесплатен за сите заинтересирани граѓани, а истиот ќе биде наменет за сите лица кои се почетници во тенисот, но и за сите оние кои имаат желба да се запознаат подобро со убавините на овој спорт. Со цел да се присуствува на бесплатниот отворен час по тенис, „Ајде да играме тенис“, се наведува дека е потребно секое заинтересирано лице да се пријави на телефонскиот број 078361632 или пак директно на касата на Вип тениските терени. Во зависност од бројот на пријавените, ќе се формираат групи кои ќе бидат обучени од двајца професионални тренери по тенис, кои пак ќе го пренесат своето знаење и вештини на идните рекреативци или професионални тенисери.

- „Ајде да играме тенис“ е проект кој го воведоме минатата сезона, и на мое огромно задоволство се покажа како мошне успешен проект. Како Спортски Центар одлучивме и оваа сезона да го спроведеме овој проект и да им овозможиме на сите заинтересирани граѓани и вљубеници во тенисот , бесплатен професионален час по тенис. Истиот ќе се одржи на Вип тениските терени во склоп на Спортскиот Центар Борис Трајковски претстојната сабота со почеток од 10,00 часот. Секое лице кое ќе пројави интерес за да научи нешто повеќе за убавините на овој спорт , ќе има можност да се пријави за бесплатен час кој ќе биде под капата на искусни професионални тренери по тенис.

Имаме позитивен став кон очекуваниот одзив од страна на спортските ентузијасти и љубителите на тенисот и јас искрено се надевам дека ова е само дел од спортските активности кои што граѓаните очекуваат да се реализираат во иднина во склоп на Спортскиот Центар „Борис Трајковски“ - изјави Златко Перински, Директор на СЦ „Борис Трајковски“

Пријавувањето ќе започне од денес 19.04.2017 и ќе трае заклучно со 21.04.2017 (петок), а право на пријавување ќе имаат сите лица од 6 до 18 годишна возраст. Дополнително, при процесот на пријавување, ќе биде задолжително да се наведе возраста на лицето кое ќе пројави интерес да посетува бесплатен час по тенис.

Почитувани,

Денес и официјално завршува четвртата по ред Сезона на "vip" Лизгалиштето, кое се наоѓа во склоп на Спортскиот центар Борис Трајковски.

Според Раковотството на Спортскиот центар, минатата сезона 2016-2017 е најуспешна реализирана сезона на "vip" Лизгалиштето досега.

Менаџментот е задоволен од постигнатите резултати од изминатата сезона како и од зголемената заинтересираност на граѓаните да уживаат во овој вид на зимски спорт.

-Со особена чест и задоволство можам да истакнам дека испишавме уште една успешна сезона на "vip" лизгалиштето. Нескромно можам да истакнам дека од година во година интересот на граѓаните за посета на "vip" лизгалиштето, односно своето време за рекреација да го поминат на лизгалишето се зголемува.

Она што највеќе ме радува е фактот што се поголем е бројот на деца кои изразуваат желба да партиципираат во зимските спортови што ги нуди "vip" лизгалиштето, односно да ги посетат школите за уметничко лизгање како и школата за хокеј.

lizgaliste-17

Со гордост би сакал да го искажам своето задоволство со фактот што изминатава сезона бевме домаќини на Меѓународниот клубски натпревар во уметничко лизгање (skopje on ice)  кој за прв пат се одржа во Република Македонија, на кој членовите на нашата школа по уметничко лизгање земаа учество и освоија низа медали во сите категории. Имено во периодот од 23.11.2016 до денес, 31 натпреварувачи од Школата за уметничко лизгање заземаа учество на вкупно 6 меѓународни натпревари, каде што освоија 7 златни, 2 сребрени и 6 бронзени медали.

За мене и мојот тим, ова ни дава дополнителен мотив и инспирација за понатамошни успеси и напредок на Спорскиот центар. - изјави Златко Перински, директорот на СЦ Борис Трајковски.

tenis-2-17

Како најава за претстојната пролет, Спортскиот центар Борис Трајковски од денес 21 март, ги отвара вратите на четирите "vip" тениски терени.

- Во сезоната што ни претстои, очекуваме огромен интерес од страна на граѓаните за посета на "vip" тениските терени, особено очекуваме интерес од најмладите, кои имаат можност да ги искусат основите на тенисот во Школата за тенис, која работи во рамките на Спортскиот центар Борис Трајковски, додаде Перински.

Ве покануваме да уживате.

Со љубов,
Спортски Центар Борис Трајковски.

Во Сабота (25.02.2017) во период од 12:00 до 13:30 часот, Вип Арена СЦ "Борис Трајковски" ќе биде средиште на задоволни семејства, кои низ ревијални спортски натпревари ќе имаат можност да се дружат, спортуваат и забавуваат со своите најмили.

Повеќе...

Спортскиот центар БОРИС ТРАЈКОВСКИ не престанува да ги надградува и осовременува понудите што ги нуди на сите оние што ги користат нивните спортски содржини.

Повеќе...

Во „Борис Трајковски“ лани се одржаа 66 официјални натпревари, две европски и едно светско првенство, 16 концертни манифестации, 4 политички настани. Имаше 34.000 посети во „Вип аквапарк“, 19.800 посети на „Вип лизгалиште“, 12.000 посети месечно во „Вип базен“

Повеќе...